Kirola eta desgaitasuna

Nafarroako Kirolaren eta Jarduera Fisikoaren Institutuak (NKJFI)), besteak beste, kirolean berdintasuna sustatzea du helburu, genero berdintasunaren eta desgaitasunen bat duten pertsonen aldeko ekintza zuzena eginez. Aukerak, gizarte kohesioa eta lan hobekuntzak sortu nahi dira sektore honetan, irauteko bokazioarekin, oinarrizko kirolari, talentua erakartzeari, gazteen eta kirolean baztertuak izateko arriskuan dauden taldeen babesari eta integrazioari lotuta.

NKJFIarentzat funtsezko ardatza da desgaitasuna duten pertsonak kirolean sartzeko programa zehatzak garatzea, desgaitasuna duen edozein kirolari erabat eta eraginkortasunez sar dadin bultzatzeko, oinarrizko kirolean arreta berezia jarrita.

2023an, Europar Batasunak- NextGenerationEU finantzatutako Suspertze, Eraldatze eta Erresilientzia Planaren esparruan, kirola eta desgaitasuna helburu zituzten hainbat dirulaguntza ezarri ziren:

• 40E/2023 Foru Agindua, martxoaren 28koa, ezinduentzako oinarrizko kirola sustatzeko Nafarroako kirol entitateei eta irabazi asmorik gabeko erakundeei dirulaguntzak emateko deialdia onartzen duena eta 195.68 €-ko gastua baimendu zuena.
• 41E/2023 Foru Agindua, martxoaren 28koa, Nafarroako Foru Komunitatean kirol-lehiaketak antolatzeko dirulaguntzen deialdia onartzen duena, desgaitasuna duten pertsonen integrazioa eta genero-berdintasuna sustatzeko, 240.000 €-ko partida bat bideratuz.
• 48E/2023 Foru Agindua, apirilaren 4koa, Nafarroako Kirol Erregistroan inskribatutako Nafarroako kirol erakundeentzako dirulaguntzen deialdia onartzen duena, kirol egokituetan aritzeko kirol material ez-suntsikorra erosteko dena, eta hura garatzeko 119.170 euroko gastua baimentzen duena.

2023. urtean zehar hainbat jarduera garatu dira, "Kirola eta Desgaitasuna" dokumentuan laburbilduta.

KONTSULTARAKO ETA INTERESERAKO MATERIALA

Kiroleko desgaitasunari buruzko hizkuntza inklusiboa. (Espainiako Batzorde Paralinpikoa).

Guztientzako informazioa (Inclusion Europe)

Desgaitasuna duten pertsonen kirolari buruzko liburu zuria Espainian (Desgaitasuna duten pertsonen ordezkarien Espainiako Batzordea)