nafarroa.eus
Nafarroako Gobernuak 38/2009 FORU DEKRETUA, apirilaren 20koa, kirol instalazio eta ekipamenduen oinarrizko betebeharrak eta segurtasun neurriak arautzen dituena onartu zuen. Foru Komunitateko kirol-ekipamendua eta erabilera publikoko kirol-instalazioak, titulartasun publikokoak zein pribatukoak, baldintza teknikoei eta segurtasunari dagokienez Kirol Kontseilu Gorenaren kirol-instalazioen eta aisialdiko instalazioen (NIDE) araudien mende gera daitezen, eta UNE (Espainiako arau batzuk) edo UNE-EN (Espainiako arau batzuk, Europako arauetara egokituak) arauetan ezarritako gutxieneko normalizazio- eta homologazio-arauak bete ditzaten lortu nahi da, horrela, kirola segurtasunez egiten lagunduz.
Arau horrek, halaber, Kirol Instalazio eta Ekipamenduen Betebeharrak eta Segurtasunerako Nafarroako Batzordea sortzen du, aholkularitzako funtzio administratiboak dituen kide anitzeko organo gisa, kirola segurtasunez egiten dela bermatzeko. Hamar kidek osatzen dute, eta Familia, Gazteria, Kirol eta Gizarte Gaietako Departamentuko kontseilaria du buru. Organoa osatzeko, departamento honetako ordezkariak, Foru Administrazioko Herrizaingo eta Hezkuntza Departamentukoak eta Nafarroako Udal eta Kontzejuen Federazioko ordezkariak izango dira.
Foru Dekretu berri hau behartu egiten du instalazioaren titularra instalazioak eta ekipamenduak aipatutako araudi nazional eta europarretara egokitzera, eta urtero AKTA egitera, instalazioaren eta kirol ekipamenduaren egoerari buruzkoa. Akta hori Foru Komunitateko Kirol Administrazioaren esku geratuko da, eta informazio-kartelak jartzera, kirol-ekipamenduaren erabilera desegokiak eragin ditzakeen arriskuei aurrea hartzeko.