nafarroa.eus
NKJek arautzen dituen araudi honetan ezarritako osasun-laguntzak eta istripu-aseguruak Nafarroako Kirol Jokoetan parte hartzea baino ez dute estaltzen. NKJetako kirolariek beste lehiaketa batzuetan parte hartzeko, parte-hartzaileek aseguru bat izan beharko dute, arreta medikoaren eta kirol-istripuaren gastuak estaltzeko.
Parte hartzen duten kirol-federazioek eta klubek osasun-laguntzako prozeduraren berri eman beharko diete familia parte-hartzaileei, eta beren webguneetan zuzeneko sarbide bat sartuko dute orri nagusian, NKJen osasun-laguntzarako. Bertan, argi eta garbi zehaztuko da NKJetako parte-hartzaileek istripurik izanez gero jarraitu beharko duten prozedura.
Osasun-laguntzarako metodologia.
Ospitaleko arreten aurrefakturazioak saihesteko, jarraibide hauek bete beharko dira:
- Izena ematean, NKJetako parte-hartzaileek kirolariaren aseguru mota (Gizarte Segurantza, MUFACE, etab.) adierazi behar dute inskripzioan.
- Kirola egitearen ondorioz parte-hartzaileek ospitaleko zerbitzuak erabiltzen badituzte, osasun-zentrora iristen direnean egiaztatu beharko dute NKJetako parte-hartzaileak direla, eta dagokion kirol-federazioak emandako inskripzio-orria edo parte hartzeko gaikuntza eraman beharko dute.
NKJetako parte-hartzaileak duen aseguru motaren arabera, bi modalitate daude OSASUN-LAGUNTZARAKO.
NKJetako parte-hartzaileen kirol-jardueraren ondoriozko osasun-laguntza, oro har, Osasunbidea-Nafarroako Osasun Zerbitzuari dagokio. (64/2003 Foru Agindua, maiatzaren 15ekoa, Osasun Departamentuarena), eta ez da derrigorrezkoa osasun-laguntzako aseguru espezifiko bat sinatzea eremu horretako kontingentziak estaltzeko.
Nafarroako Osasun Zerbitzuak gainerako erabiltzaileen baldintza berberetan artatuko ditu Nafarroako Kirol Jokoetako parte-hartzaileak.
Kirolariaren lesioa edo kirol-istripua Gizarte Segurantzaren zentroetan artatuko da; kirol-istripua asteburuan gertatzen bada, jarraian zehazten diren erreferentziazko zentroetara joko da.
NAFARROAKO UNIBERTSITATE OSPITALEA.
Irunlarrea kalea, 3 - IRUÑA
NAFARROAKO UNIBERTSITATE OSPITALEA - VIRGEN DEL CAMINO
Irunlarrea kalea, 4 - IRUÑA
848-422222 (telefonogunea)
848-422280 (Informazioa)
848-422033/848-425931 (Pazientearen arreta)
GARCIA ORCOYEN OSPITALEA
Santa Soria kalea, 22 - LIZARRA
848-435000 (telefonogunea)
REINA SOFIA OSPITALEA
Tarazona z/g. 3. kilometroa - TUTERA
848-434000 (telefonogunea)
848-434116 (Pazientearen arreta)
Lesioagatiko edo istripuagatiko osasun-laguntza bere asegurua eta zentroak barne hartzen dituen osasun-laguntzako sistemak dituen baliabideekin emango da, parte-hartzaile bakoitzak hitzartuta duen polizan ezarritako prozesuari jarraituz.
Istripu-asegurua
NKJFIak istripuetarako aseguru-poliza bat kontratatu du W.R. Berkley España aseguru-etxearekin, 2023-2024 JNKJetarako. Aseguru horrek istripuagatiko galera anatomiko eta funtzionalak eta heriotza arriskuak estaltzen ditu. Kontratatutako bermeak dokumentu honetan jasotzen dira, eta istripuen ezbeharra deklaratzeko formularioa deskarga daiteke.
Erantzukizun zibila
Programatutako jardueraren ondoriozko erantzukizun zibila Nafarroako Gobernuak ezarritako erantzukizun zibilaren estaldura orokorraren barruan dago (Nafarroako Kirolari buruzko Foru Legearen 67. artikulua). Beraz, atal honen barruan istripuren bat gertatuz gero, kirolariak dagokion federazioarekin jarri beharko du harremanetan, eta federazio horrek, aldi berean, INDAFen bidez izapidetuko du espedientea.
