nafarroa.eus
Nafarroako Gobernuko Kultura, Kirol eta Turismo Departamentuak onartu du Kirolaren eta Jarduera Fisikoaren Plan Estrategiko berria, eta 2025-2028 aldian Foru Gobernuaren kirol-politiketan estrategia integral gisa jardungo du.
Helburua da Foru Komunitatean jarduera fisiko-kirolaren eredua sendotzea, irisgarria, jasangarria eta osasungarria izan dadin, lehiaketa-kirola eta goi-errendimenduko kirola ere babestuz.
Plana garatzeko, 14 elkarrizketa-mahai egin dira: sei lurralde-mahai eta zortzi sektore-mahai, herritarrei ahotsa emanez, baita eragile, elkarte eta entitateei ere. Inkestak, elkarrizketak, INDAFeko langile teknikoekin saioak eta alegazioen fase publiko bat ere egin dira.
PEDAFN 2025-2028 Plan estrategiko berriak zortzi ardatz estrategiko ditu, bakoitza bere ildo eta azpi-ildoez osatua, eta, gainera, sistema osoari euskarria emango dion ardatz osagarri bat aurreikusten du, esparru arauemailea, antolaketa eta ebaluazioa indartzeko.
