Zer da?
Nafarroako Kirol Justiziako Batzordea Foru Komunitatean kirol justiziaren arloko gorengo organoa da.
Nafarroako Kirol Justiziako Batzordea Foru Komunitateko kirol administrazioari atxikia egonen da organikoki baina zeharo beregain arituko da bere eginkizunetan eta bere eskumenpeko gaietan berak erabakiko du, administrazioko azken instantzia gisa.
Nafarroako Kirol Justiziako Batzordearen ebazpenek agortzen dute administrazio bidea, eta zilegi izanen da haien kontra administrazioarekiko auzien jurisdikzioan helegiteak jartzea.
Zeintzuk dira bere eskumenak?
- Nafarroako kirol federazioen eta bestelako kirol erakundeen akordioen aurkako errekurtsoak ezagutu eta ebaztea.
- Kirol diziplinaren ahala duten goi-organoen erabakien aurka eratorritako uziak ezagutu eta ebaztea, errekurtso bidetik.
- Nafarroako kirol antolakuntzako diziplina organoen artean, kirol diziplinaren alorrean arazoen izapidetze edo ebazpenen inguruan sor litezkeen gatazkak, positibo zein negatiboak, ezagutu eta ebaztea.
- Kirol diziplina-espedienteen izapide eta ebazpena eta ofizioz tratatzea hobetsitako kirol diziplinari dagozkion gauza ororen ezagutza, Norberaren ekimenez edo Foru Erkidegoaren Kirol Administrazioak hala eskaturik.
- Arbitraje instituzioaren bitartez, eta interesdunen borondatezko eskari eta mendekotasunez, Nafarroako kirol antolaketako kirol federazioen eta bestelako erakundeen baitan sor litezkeen auzigaiak ebaztea.
- Erregelamendu bidez ezarritako terminoetan, kirolarien eskubideak defendatzea.
Zein dira Batzordea osatzen dutenak?
Nafarroako Kirol Justiziako Batzordea zuzenbideko lizentziadunek osatzen dute, kirol arloan eta arlo juridikoan esperientzia aitortua dutenek.
- Presidentea: Juan Ignacio Zubiaur Carreño jn.
- Presidenteordea: Esther Gil Beorlegui and.
- Batzordekideak: María Echeverría Cadarso and, Jesús Mª Faber Ruiz jn. eta Eduardo Sanz Aguirre jn.
- Idazkaria: Esteban Imaz Vacas jn.
Araudia
- 15/2001 FORU LEGEA, uztailaren 5ekoa, Nafarroako Kirolari buruzkoa
- 48/2003 FORU DEKRETUA, martxoaren 10ekoa, Nafarroako Foru Komunitateko lurraldean Nafarroako Kirol Justiziako Batzordea eta Kirol Diziplina arautzen dituena.
- 162/2009 FORU AGINDUA, 2009ko apirilaren 20koa, Familia, Gazteria, Kirol eta Gizarte Gaietako kontseilariak emana, Nafarroako Kirol Justiziako Batzordearen funtzionamendurako barneko araubidea eta prozedura arauak onesten dituena.
Harremanetarako
Kirol-Etxea - Nafarroako Arena. 1. Solairua. Aizagerria plaza, 1.
31006 IRUÑEA
Tel.: 848 42 78 60
Nafarroako Kirol Justiziako Batzordeari edozein eskaera Erregistro Orokor Elektronikoaren bidez tramitatzen zaio.
nafarroa.eus