nafarroa.eus
Nafarroako Gobernuak online informazioa eskainiko die klubei eta kirol-elkarteei, bai eta zerga-arloko prestakuntza ere. Era berean, ordainsari ekonomiko txikiei dagozkien zerga-eskakizun batzuk malgutuko ditu.
Kirol-entitateek zerga-arloan egiten duten informazio- eta laguntza-eskaerari erantzuteko, eta elkarte eta klub horiei zerga-araudia betetzen laguntzeko, "Nafarroako Kirol Entitateen Oinarrizko Gida Fiskala" sartu da. Gida honen ondorioetarako, Nafarroako Kirol Erakundetzat hartuko dira berezko nortasun juridikoa eta egoitza Nafarroan duten irabazi-asmorik gabeko elkarte pribatuak, Nafarroako Kirolaren Legeak arautzen dituen kirol-jarduerak sustatu eta egiteko xedea dutenak: kirol-klubak, kirol-federazioak, Nafarroako kirol-klub filialak, kirola sustatzeko erakundeak eta kirol-sozietate anonimoak.
Gida hau Nafarroako kirol-entitateen zerga-betebeharrei buruzko informazio-argitalpen bat da, eta berrikusi eta eguneratu egin behar da, arau-aldaketen eta kirol-entitateek egindako kontsulten esperientziaren arabera. Egindako kontsultetan argitaratutako bertsioaren zenbakia egiaztatzea gomendatzen da.
Kultura, Kirol eta Turismo sailek batera diseinatu dituzte neurriak, INDAFen eta Ekonomia eta Ogasun Sailaren bitartez.
