nafarroa.eus
Nafarroako Kirolaren eta Jarduera Fisikoaren Institutuak (NKJFI), EUSKALIT Fundaziaren eta Nafarroako Bikaintasunaren Fundazioaren (NBF) laguntzarekin, Nafarroako Kirolaren Kudeaketa Aurreratuko GARDENA Programa sustatu eta antolatzen du. 2020az geroztik urtero egiten den kudeaketa aurreratuko prestakuntza da, eta kirol-erakundeei eta -enpresei, bai eta udal-kirol zerbitzu publikoei ere, zuzenduta dago.
Prestakuntza honetan bi programa eskaintzen dira: GARDENA Programa osoa, aurreko edizioetan prestakuntza egin ez duten erakundeentzat, eta GARDENA Eguneratze Programa berria, prestakuntza dagoeneko egin eta beren plan estrategikoa abian jarri duten erakundeentzat.
Hori dela eta, honako kirol-erakunde hauek eskatu ahal izango dute bi programetako bat:
Bi programen metodologia %100 online izango da.
Nafarroako kirol-sektoreko erakundeei zuzenduta dago (Klubak, Federazioak, Kirol-kudeaketa eta Udal-kirola), kudeaketaren arloko ezagutzak, tresnak eta metodologiak eskuratu nahi badituzte, erakundearen kontrola hobetzeko honako arlo hauetan: plangintza, kudeaketa ekonomiko-finantzarioa, kudeaketa komertziala, bezeroen kudeaketa, langileen kudeaketa...
Helburua: Nafarroako kirol-erakundeei beren kudeaketa hobetzen lagunduko dieten ezagutzak eta tresnak eskaintzea.
Metodologia: Online talde-tailerren bidez garatuko da. Tailer bakoitzean gai zehatz bat landuko da, ikuspegi praktikoarekin, ariketak eginez eta zalantzak argituz.
Tailer bakoitzaren amaieran, erakundean bertan aplikatzeko lana egingo da, prestatzaileak emandako formatu eta entregagarrien bidez.
Online programak irakasleen banakako laguntza izango du, ikasgela birtualean landutako edukiak ezartzen laguntzeko.
Erabiliko diren baliabideak: Tresnak online izango dira, azalpen-bideoen eta talde-saioen bidez, eta lehen unetik bertatik lan praktikoak egingo dira.
Aitorpena: Prestakuntza gainditzen duten erakundeek (irakasleen onespena eta talde-saioetara gutxieneko bertaratzea betetzen badute) prestakuntzaren aprobetxamendu-ziurtagiria jasoko dute eta, Gainera, Nafarroako Bikaintasunerako Fundazioak kudeatzen duen Konpromiso Diploma eskuratzeko aukera izango dute.
Programa honen kostuaren %75 diruz laguntzen da.
Eguneratze programa aurreko edizioetan GARDENA prestakuntza-programa egin duten eta edizio honetan eskaintzen diren arlo zehatzetako batean ezagutzak eskuratu nahi dituzten Nafarroako kirol-erakundeei zuzenduta dago.
Helburua: Aurreko GARDENA edizioetan kudeaketaren arloan ikasitakoa eta lortutakoa sendotzea eta parte hartzen duten erakundeen kudeaketa hobetzeko prestakuntzari laguntzen jarraitzea, sektorearentzat interesgarriak diren gai zehatzei buruzko informazioa eta edukiak eskainiz.
Metodologia: Online prestakuntza izango denez, taldeak antolatuko dira, irakasleen laguntzarekin, parte-hartzaileek aurreko edizioetan egindako GARDENA programan ikasitakoa eguneratu eta kudeaketaren arloko erronka berriak identifika ditzaten. Era berean, erakunde parte-hartzaileekin modu partikularrean lan egingo da, taldeetan banakako laguntza eskainiz, eguneratze hori modu pertsonalizatuagoan aurrera eramateko.
Webinar eta prestakuntza espezifikoak planteatu dira online mintegien bidez (eta/edo aurrez aurre, beharrezkotzat jotzen bada). Arlo horretan adituak diren pertsonek emango eta dinamizatuko dituzte, sektorearentzat funtsezkoak diren kontzeptuei buruz eta hainbat gairen inguruan, hala nola:
Eguneratze programak kontzeptu teorikoak transmititzea eta aplikazio praktikorako proposamenak egitea du helburu. Parte-hartzaileek, izena ematean, Formación-ACción (FOAC) programako aukerako tailerrak hautatzeko aukera izango dute, beren erakundeari berari aplikatutako moduan ikasteko.
Eguneratze programa honen kostuaren %100 diruz laguntzen da.
Prestakuntzan interesa dutenek, edo bi programetako edozeini buruzko informazio gehiago jaso eta ondoren izena eman nahi dutenek, aldez aurretik NKJFI-rekin harremanetan jarri behar dute, Nafarroako Kirol Erakundeen Erregistroaren (Deporte Navarra) helbide elektronikoaren bidez: registro.entidades.deportivas@navarra.es
Interesa duten erakundeen kopuruaren arabera zehaztuko da prestakuntzaren formatua.
Aurrez izena emateko eta behin betiko izena emateko helbide elektroniko honetara jo beharko da: nfernandez@euskalit.net