Kultura eta Kirol Sailak, INDren bidez, 30.000 euroko diru-laguntza deialdia onartu du irabazi-asmorik gabeko erakundeentzat eta kirol-zerbitzuetako enpresentzat, 2021-2022 ikasturtean ikastetxeekin kirol-hastapeneko hezkuntza- eta kirol-proiektuak garatzeko.
Programa horien helburua da neska-mutilengan beren mugimen-trebetasunak kirol-hastapenetik gara ditzaten sustatzea, horrela, beren segurtasun pertsonaletik beren ekintzen kudeaketa autonomoraino, etorkizunean praktikatu nahi dituzten gorputz- eta kirol-jardueren irakaskuntzan proposatzen zaizkien mugimen-lanak egiteko gaitasuna hobetzeko.
Hezkuntza- eta kirol-programa honen babesean egiten diren jarduerak garatu beharreko modalitateen kirol-hastapenetik bideratu beharko dira, lehiaketa kontuan hartu gabe.
Eskabideak aurkezteko epea eta modua
Diru-laguntza eskaerak eta hasierako agiriak apirilaren 13tik 27ra bitartean aurkez daitezke, eta telematikoki egin beharko dira nahitaez, Nafarroako Gobernuaren Atariko Izapideen Katalogoaren bidez.
Diru-laguntza 2021-2022 ikasturtean ikastetxeei kirol-hastapeneko hezkuntza-proiektuak antolatu, kontrolatu eta garatzeari dagozkion gastuak ordaintzeko izango da, eta egun bateko iraupena izango dute.