Joan den irailaren 24an Laneko Une Aktiboa programa pilotua jarri zen martxan, NUPek eta NKIk elkarlanean, bi erakundeetako langileei zuzenduta.
Helburua da langileek mugigarritasuneko, luzamenduko eta aktibazioko edo erlaxazioko eta oxigenazioko ariketa-errutinak ikastea, barneratzea eta esperimentatzea, lanpostuaren mugikortasun faltak eta sedentarismoak eragindako lesio kronikoak prebenitzen laguntzeko, bai eta eguneroko laneko errutinak berezko dituen jarrera eta keinu errepikakorrak ere.
Programa NUPen hiru egoitzatan eta Kirolaren Etxean gauzatzen da, ostiraletan, 10 minutuko denbora-tartean. Bertan, hainbat errutina jartzen dira martxan, langileek asimilatu eta nahi duten unean modu autonomoan praktikara eraman ditzaten.
Errutina horiek, aldi berean, euskarri bisual baten bidez bermatzen dira, eta bideo batzuk egiten dira euskarri gisa erabiltzeko.
Asmoa da programa hau kirol-federazioetako langile guztiei eta kirol-etxeko gainerako langileei zabaltzea, eta beste erakunde batzuentzat erreferentzia izatea.